Burujabetzen Etxea Hernaniko tokiko garapena, enplegua eta ekonomia sozial eta eraldatzailea sustatzeko politika eta estrategia territorialak bultzatzeko gune estrategiko gisa sortu da. Espazio honek hainbat eragile eta erakunde biltzen ditu, udalerriko eta hurbileko ekosistema sozioekonomikoa indartzea helburu duten xede partekatuen inguruan.
Bere jardun-ildo nagusien artean honako hauek nabarmentzen dira:
- Ekonomia Sozial eta Eraldatzailea (ESE) sustatzea.
- Trantsizio ekosozialerako prozesuak bultzatzea eta erraztea, sektore-burujabetzak eta haien balio-kateak ardatz hartuta.
- Lurralde mailako estrategiak koordinatzea Hernani Burujabe egitasmoaren baitan.
- Burujabetzen Etxean Tokiko Garapena, Lehen Sektorea, Enplegua eta Prestakuntza, Enpresa eta Partaidetza arloetako udal bulegoak daude. Bestalde, herritarren eskura hainbat arreta eta laguntza zerbitzu jartzen dira:
- Lan orientazioko zerbitzua.
- Auzozaintza programaren bulegoa.
- Energia bulegoa.
- Etxebizitza Behatokia.
- Gazteentzako lan-arreta eta aholkularitza zerbitzua.
- Ikasketa gelak.
- Bilerak egiteko gelen eta ikasgelen erreserba zerbitzua.
- Ekintzailetza sustatzeko Iturola Elkarlan Gunea.
Burujabetzen Etxearen antolaketaren moduak Hernaniko ekosistema sozial eta ekonomikoa dinamizatzen laguntzen du, lankidetza, parte-hartzea eta elkarlana sustatuko dituen gune bat eratuz. Ildo horretan, proiektu kolektibo honen garapena eta sendotzea bermatzeko funtsezkoak izango dira parte hartzen duten eragile guztien arteko lankidetza eta erantzukidetasuna.
Herritarrentzako orientazio eta laguntza zerbitzua, baliabide eta aukera desberdinen inguruko informazioa eta bidelaguntza eskaintzen duena.
Zer eskaintzen du:
- Orientazio laboral pertsonalizatua
- Prozesu desberdinetarako laguntza
- Orientazio eta bidelaguntza administratiboa
- Baliabideetara deribazioa (Lanbide)
Energia kontsumoaren optimizazioa eta energia burujabetza sustatzeko aholkularitza zerbitzua.
Zer eskaintzen du:
- Fakturen azterketa
- Energia aurrezteko aholkuak
- Energia komunitateei buruzko informazioa
- Autokontsumoaren inguruko orientazioa
Etxebizitzaren inguruko informazio, aholkularitza eta jarraipena eskaintzen duen zerbitzua.
Zer eskaintzen du:
- Etxebizitza eskubideen informazioa
- Alokairu eta erabilera egoeren azterketa
- Arazo egoeren orientazioa
- Maizter eta jabeentzat aholkularitza
Auzo mailako zaintza eta komunitate sareak indartzeko zerbitzua.
Zer eskaintzen du:
- Komunitate aktibazioa
- Auzo sareen koordinazioa
- Premia egoeren detekzioa
- Elkarlaneko zaintza dinamikak
Gazteei zuzendutako orientazio eta laguntza zerbitzua, bereziki autonomia, enplegua eta prestakuntza arloetan.
Zer eskaintzen du:
- Ibilbide pertsonal eta profesionalen orientazioa
- Prestakuntza aukeren informazioa
- Enplegu aukeren laguntza
- Proiektu propioak garatzeko bidelaguntza
Ohar orokorra: Zerbitzu guztiak hitzorduz eskaintzea gomendatzen da, arreta pertsonalizatua bermatzeko.
Asteburu eta opor garaietako ikasgela zerbitzua.
Baldintzak
16 urtetik gorakoentzat, Txartela eskuratzeko fidantza 5 €, eskaera-orria bete Hernaniko liburutegian.
DOKUMENTAZIOA
Kanpoko eragileentzat, erabilgarri egongo dira Burujabetzen etxean kokatzen diren hurrengo gelak:
- Areto nagusia
- Ezagutza gunea
- Bilera gela
Prozedura
Eskaera orria bete eta tokiko-garapena@hernani.eus bidali. Burujabetzen etxeko barne eragileen dinamika errespetatuz, ebazpena helaraziko da.
DOKUMENTAZIOA
Iturola Elkarlan Gunea lan espazio publikoa eta kolaboratiboa da, non proiektu ekonomiko berria garatu nahi duten pertsonek ekintzailetza sarea aurkituko duten. Hernaniko Burujabetzen Etxearen lehen solairuan kokatua, Iturolak enpresei lanerako lekua eta baliabideak eskaintzen dizkie, burujabetzan klabetan, ekonomia sozial eta eraldatzailean eta tokiko garapen jasangarrian oinarritutako ekimen ekonomikoak sustatzeko. Iturola Elkarlan Gunearen helburua ekintzailetza prozesuak, enpresa txikiak eta antolatutako kolektiboak modu integralean laguntzea da, bai hasierako faseetan, bai jardueraren sendotze prozesuetan. Horretarako, erabiltzaileen eskura jartzen ditu ez bakarrik lanerako espazio fisiko bat, baita aholkularitza, orientazioa, sare-lana eta lankidetza-dinamikak ere, tokiko ekosistema ekonomiko eta soziala indartzen laguntzeko.
Iturola Elkarlan Gunean garatzen diren proiektuek balio soziala sortu beharko dute, lan-baldintza duinak sustatu, kudeaketa demokratikoko ereduak bultzatu eta jasangarritasunari ekarpena egin, Hernani Burujabe udal estrategiarekin bat etorriz.