Kultura Sailaren helburu da herriko kultur ekosistema osasuntsu eta indartsu bat izatea, horrela kultura erdigunean daukan herri bat eginez. Horretarako sortzaileekin, kultur-eragileekin, auzo-elkarteekin elkarlanean ari eta kultura irisgarria, parte-hartzailea sustatzeko baliabideak eskainiz. Eta azkenik, kultura eta bereziki euskal kulturaren transmisioan eragin.

• Kultur sarea elikatu: kultur-elkarte, auzo elkarte eta gainerako kultur eragileei baliabideak eskainiz.
• Herriko jaiak antolatu eta kudeatu.
• Kultur sorkuntza sustatu eta baliabideak eskaini.
• Kultur ekipamenduen, zerbitzuen eta baliabideen planifikazioa eta kudeaketa egin
• Kultura programazioa egin: arte-eszenikoak, musika, arte-plastikoak eta ikus-entzunezko arteen arteko oreka eta kalitatea ziurtatuz.
• Hezkuntza-eragileekin elkarlanean, euskal kulturaren transmisioan eragin eta arte diziplina ezberdinen inguruko oinarrizko ikastaroak eskaini.