Egungo Hernani, historiako une ezberdinetan izandako migrazio-mugimenduen ondorioa da. Asko Euskal Herriko beste herri batzuetatik etorritakoak dira, beste asko Espainiako estatuko lurraldeetatik, eta bereziki azken urteetan munduko bazter askotatik iritsi dira Hernaniko bizilagun berriak. Migrazio horiek gure herria aberastu egiten dute. Kulturartekotasun ikuspegia oinarri hartuta, Hernanin bizi den orok, edonon jaioa dela ere, eskubide berberak izan ditzan egiten dugu lan.

Udalak horretarako, besteak beste:

• Herrira bizitzera etortzen direnei harrera ahalik eta egokiena izateko baliabideak jartzen ditu
• Ahokularitza eta bidelaguntza eskeintzen du
• Arrazakeriaren aurkako eta kulturartekotasunaren aldeko sentsibilizazio ekimenak antolatzen ditu
• Beste eragile eta erakunde batzuekin elkarlanean aritzen da helburu horrekin