Hernaniko Udaleko Tokiko Garapeneko Sailaren baitan kokatzen den lehen sektoreko udal zerbitzuaren helburua da udalerriko nekazaritza, abeltzaintza eta landa-inguruneari lotutako jarduerak babestu, sustatu eta garatzea, tokiko ekonomia indartuz eta landa-izaera zainduz.

Zerbitzu honek lehen sektorean diharduten pertsona eta ustiategiei laguntza eskaintzen die, informazioa, aholkularitza eta orientazioa emanez, bai eguneroko kudeaketan, bai laguntza publiko, dirulaguntza edo proiektu berrien garapenean. Halaber, sektorearen profesionalizazioa eta belaunaldi-erreleboa sustatzeko ekimenak bultzatzen ditu.

Tokiko ekoizpena eta produktuaren balioa handitzea ere zerbitzuaren ardatz nagusietako bat da, salmenta zuzena, zirkuitu laburrak eta kontsumo arduratsua sustatuz, baita udalerriko beste eragileekin lankidetzan jardunez ere.

Era berean, lehen sektorea eta ingurumenaren arteko oreka zaintzea du xede, lurraren erabilera jasangarria, paisaiaren babesa eta biodibertsitatea kontuan hartzen dituzten jarduerak bultzatuz.

Hernani Burujaberen markoan, Hernaniko lehen sektoreko balio kate osoak elkar hartu du Hernaniko elikadura sistema iraunkor eta burujabea martxan jartzeko estrategia .

Hernaniar guztien elikatzeko eskubidea bermatzeko eta laneratzeko eta gizarteratzeko lanpostuak sortzeko helburuarekin, hainbat eragileek parte hartzen dute dinamika honetan:

• HENASE, nekazari eta abeltzainen sustapenerako elkartea.
• Herrilur, tokiko produktuen kontsumoa sustatzeko elkartea.
• Bertatik, tokiko produktuak eraldatu eta kozinatzeko Laneratze enpresa.
• Hernaniko Udala.