Hernaniko Jabetze Eskola hausnarketarako eta formaziorako topagunea da. Emakumeok geure eskubideen jabe egiteko, gure bizitzetan autonomia eta konfiantza izateko eta beste emakumeekin sareak sortzeko espazioa da. Bide horretan, hainbat ikastaro eta tailer eskaintzen dira.

Gipuzkoan Emakumeentzako Jabetze Eskolak sortzen herri aitzindaria izan zen Hernani, lehen tailerrak 2005ean hasi ziren antolatzen.

Urtez urte joan da eskola izaera hartzen, eta bereziki azkenengo urteetan egitura sendotu da eta proiektua zabaltzea lortu da Kulturarteko Plaza Feministaren irekierarekin, hori horrela, emakumeen parte hartzea areagotu egin da azken urteetan.