Emakume eta gizonen arteko berdintasuna sustatzea duten politika publikoak garatzea da Berdintasun arloaren helburua, jendarte eredu justuagoa eraikitzea eta norabide horretan urratsak ematea. Horretarako bi norabidetan egiten du lan. Batetik, udal barrura begira, sail guztietan genero-ikuspegia txertatzeko urratsak ematen. Bestetik, kanpora begira, berdintasunaren bidean eragin positiboa izango duten sentsibilizazio eta prebentzio egitasmoak garatzen.
Hauek dira lan ildo nagusiak:
- Udal barruko prozedura zein politiketan genero ikuspegia txertatzea
- Emakumeen ahalduntze prozesuak sustatzeko eta partaidetza soziopolitikoa indartzeko estrategiak eta programak garatzea
- Indarkeria matxistaren prebentzioa, detekzioa eta arreta hobetzeko programak eta jardundibeak garatzea
- Egungo zaintzen antolaketaren eraldaketa bultzatzea, zaintza sistema publiko komunitario baterantz
- Hernaniko emakumeen historia berreskuratu, aitortu eta zabaltzea
