Eragile publiko zein pribatuekin lankidetzan aritzea da sailaren lehentasunetako bat. Eskualde mailan, tokiko garapen arloan, Beterri Buruntza Mankomunitatearekin lan egiten du, bereziki ekintzailetza, prestakuntza eta lehiakortasun alorretan.
Udalerri mailan, berriz, Berriak eta Ekhilurrekin batera Hernaniko Merkataritza Mahaia osatzen du, sektoreari dagozkion estrategia eta proiektu komunak planifikazteko, garatzeko eta ebaluatzeko gunea.
Hernaniko merkatari, ostalari eta zerbitzuen elkartea da, 100 komertziotik gora osatzen dute eta 30 urte baino gehiagoko ibilbidea du. Merkataritza mahaiako partaide da, Ekhilur eta Udalarekin batera.
Elkartearen helburua da sektorearen jarraikortasunaren eta berrikuntzaren alde lan egitea eta herri-merkataritzaren alderdi sozialak eta ekonomikoak plazaratzea, dinamizazio sozio-komerztiala egiterekin batera.
Honako zerbitzuak eskaintzen dizkie merkatariei: aholkularitza komertziala, laguntza eguneroko arazoetarako, saretzea, informazioa, entitateekiko komunikazioa eta formazioa.
Ekhilur irabazi asmorik gabeko kontsumo kooperatiba bat da, kontsumitzaile, enpresa, elkarte eta erakunde publikoak biltzen dituena, inguruko ekonomia dinamizatu eta indartzeko.
Herritarren esku dagoen ordainketa-sistema bat da, dirua gizartea eraldatzeko elementu gisa erabiltzen laguntzeko eta herri-mailako zirkuitu ekonomiko itxi bat sortzeko.
Hernaniko sarea 100 profesionaletik gora eta 1.500 erabiltzailek baino gehiagok osatzen dute. Ekhilur Merkataritza mahaiako partaide da, Berriak eta Udalarekin batera.
Gure eskualdeko sei udalek osatzen duten erakunde publikoa da, elkarrekin hainbat zerbitzu eta programa eskaini eta garatzeko.
Pertsona, enpresa eta ekintzaileei zerbitzuak eskaintzen dizkie honako arloetan: enplegua eta prestakuntza, enpresen lehiakortasuna, ekintzailetza eta turismoa.