Merkataritza jarduera berri bat irekitzeko udalari Aurre Ezagutzearen Jakinarazpena – Jarduera ez sailkatua dokumentua aurkeztu behar zaio erregistroan, telematikoki edo aurrez aurre. Bertan, egin nahi den jardueraren nondik norakoak azalduko dira eta zehazten den dokumentazioa ere aurkeztu beharko da.

Udalak Jardueraren Aurre Ezagutzearen tramiterako eskatzen den dokumentazio guztia onartu ondoren, hurrengo egunetik aurrera has daiteke jarduerarekin (dagokion udal tasa ordainduta dagoela). Hirigintza eta Ingurumen sailari zuzendu behar zaizkio eskaerak.

Guztion (esteka) programaren bidez, ekintzaileek laguntza teknikoa eta ekonomikoa jaso dezakete prozesu hori errazteko.

JANARI-FURGONETETAN EDO KALEAN JARTZEN DIREN POSTUETAN EGITEN DEN PRESTATUTAKO JAKIEN NOIZBEHINKAKO SALMENTA

Hernanin janari-furgonetetan edo postuetan egiten den prestatutako jakien kale‑salmenta baimenak eskatzeko, urteko esleipen-zerrendan egon behar da. Horreratarako Udalak dokumentazioa aurkezteko epe bat zabaltzen du urtero: azaroaren 1etik 15era eta udal-ordenantzak zehazten dituen balorazio irizpideen araberako puntuazioak kontuan hartuta ematen ditu baimen espezifikoak.

ERABILERA PUBLIKOKO EREMUETAN TERRAZAK, SALGAI DAUDEN PRODUKTUEN ERAKUSLEKUAK ETA BESTE ELEMENTU LAGUNGARRIAK JARTZEA

Aire zabaleko erabilera publikoko espazioetan, jarduera ekonomikoek, jarduerari lotutako elementuez jabaria edozein dela ere, erabilera publikoa duten lurzoruak okupatu ahal izateko baimena eskatu behar dute udal-ordenantzak araututakoaren arabera. Baimen horiek Hirigintza eta Ingurumen sailak kudeatzen ditu.

Merkataritza edota Turismoarekin zerikusia duen kaleko ekintza bat antolatzeko, baimena eskatu behar zaio Udalari eta jabetza publikoa okupatzagatik urteko ordenantza fiskaletan ezartzen diren tasak ordaindu behar dira erabilera pribatiboagatik edo aprobetxamendu bereziagatik.

Salbuetsita daude interes bereziko edo udal onurako ekintzak garatzeko beharrezkoak diren bide okupazioak.

Eskaerak telematikoki edo aurrez aurre egin daitezke udal-erregistroan.