Haurren Kontseiluaren helburua da Hernaniko haurrek politika publikoetan duten partehartzea sustatu eta egikaritzea. Herriko haurrek osatzen duten lan-taldea da, haiei eragiten dieten gai esanguratsuen lanketa egin eta erabakiak hartzeko zeregina duena, hainbat helbururekin:
- Haurrak herriko elkarbizitzan subjektu aktibo izatea.
- Haurren garapen integralean sakontzen jarraitzea.
- Haurrak parte hartzean trebatzea.
- Parte hartze kultura berri bat sortzea, aniztasunari ahotsa emango diona, eta bazterreko ahotsak entzungo dituena.
- Haurrak subjektu moduan beren kabuz antolatzen hasteko baldintzak sortzea.
- Haurrak aintzat hartutako subjektu bilakatzea.
- Haurren autonomia eta ahalduntzea sustatzea.
- Haurrak haien eskubideez jabetzea.
- Politika publikoetan haurrekin sortutako ekimenak martxan jartzea.
Lan-saioetan Hernaniko eskoletako LH5 eta LH6 ikas-mailetako gela bakoitzetik bolondres ezberdinek hartzen dute parte (hileroko maiztasunarekin, gutxi gorabehera eta ordu lektiboetan), udalari haurren begiradatik herriko zerbitzu, azpiegitura eta dinamiketan positiboki eragiteko proposamen zehatzak helarazteko.
