Familia Gunea 0-6 adin tarteko haurrak dituzten familiek aisialdiko denbora elkarrekin igarotzeko gune goxoa da. Espazioaren helburua eta zeregina da eredu hezitzaile positiboa sustatzea, haurren lehen etapan sozializazioa, harremanak… sendotzeko eta eraikitzeko. Bertan ez dago begiralerik eta familiak dira espazioaren eta materialaren arduradunak.
Non? Gartzia Goldaratz kaleko 7. zenbakian dago kokatua.
Noiz? Astelehenetik igandera dago irekita, 08:00etatik 20:00etara (ostegunetan izan ezik; egun horretan 11:00etan irekitzen da).
Nola? Familia bakoitzak giltza izenduna du: bere kabuz eta nahi duenean du Familia Gunea erabiltzeko aukera.
Izena emateko aukera urtero urtarrilean berritzen da, urte horretan jaiotako haurren familiek ere espaziora sarbidea izan dezaten.
