Zergatik izendatu da Hernani Etxebizitza Eremu Tentsionatua?

Espainiako kongresuan onartutako Etxebizitza Eskubideari buruzko maiatzaren 24ko 12/2023 Legeak bidea zabaldu zuen hainbat udalerri Bizitegi-merkatuko Tentsio Eremu izendatzeko; eta Hernanik, Lege horren 18. artikuluan zehaztutako baldintzetako bat betetzen duelako:

• Hipotekaren edo alokairuaren kostuak aurrekontu pertsonalaren edo bizikidetza-unitatearen aurrekontuaren batez besteko diru-sarreren % 30 gainditzea.

Noiztik da Hernani Etxebizitza Eremu Tentsionatua?

2026ko otsailaren 3tik aurrera.

Zenbateko iraupena du izendapenak?

Hiru urte, BOE-k ebazpena argitaratu eta hurrengo egunetik aurrera.

Izendapena eragin duen arrazoia mantentzen bada, izendapena luzatu daiteke.

Etxebizitzaren arazoari aurre egiteko zer neurri garatuko ditu Hernaniko Udalak?

Tentsio eremu izendapen eskaerarekin batera, Udalek 3 urtetako ekintza plan bat aurkeztu behar izan zioten Eusko Jaurlaritzari. Hernaniren ekintza plana hemen ikus daiteke.

Tentsio handiko eremu izendapenak zer ondorio ditu?

• Kontratua amaitzen zaien errentarientzat: errentariak urtean aparteko luzapena izateko aukera kontratua amaitu ondoren, indarrean dagoen kontratuaren baldintza berberetan. Urteko luzapenak, eta gehienez hiru.
• Errentari berrientzat: alokairuaren prezioa aurreko kontratuaren errentara mugatzen da, urteko eguneratze-klausula bat ezarrita.
• Azken bost urteetan alokatu gabe egon den etxebizitza baten errentarientzat: prezioak ezingo du gainditu Espainiako Gobernuak zehaztutako erreferentziako prezioen indizeen sistemari jarraituz aplikatzekoa den gehieneko muga.

• Edukitzaile handientzat: bost etxebizitza edo gehiago dituztenak izango dira Hernaniren kasuan. Alokairuaren prezioak ezingo du gainditu Espainiako Gobernuak zehaztutako erreferentziako prezioen indizeen sistemari jarraituz aplikatzekoa den gehieneko muga.

Alokairu-kontratu berrien erregularizazioaren inguruko informazio gehiago Etxebizitza eta Hiri Agendako Ministerioaren webean:

Tentsio Eremu izendapenaren inguruko informazioa Eusko Jaurlaritzaren webgunean:

Tentsio eremu izendapenaren inguruko informazio gehiago nahi izanez gero, hemen kontsultatu daiteke: ohiko galderak, udalerri tensionatuen zerrenda, kalkulagailuak…