Hernaniko Udaltzaingoan objektuak jasotzen ditugu ia egunero: aterkiak, bitxiak, bizikletak, dokumentazioa, txartelak, dirua, giltzak, osagarriak, poltsak, karterak, telefonoak, elektronika eta informatika aparagailuak eta bestelakoak.
ZER EGIN BEHAR DUT GALDUTAKO GAUZAREN BAT AURKITZEN BADUT?
- Ekarri gure bulegora.
- Zure datuak eskatuko dizkizugu: NANa, telefonoa… (betiere zure borondatez eman ditzakezu) eta aurkitutako gauza gure bulegoan utzi izanaren agiria emango dizugu, eta, horrekin batera, paper-orri bat, non esaten baita 2 urteren buruan jabea agertzen ez bada, objektua zurea izan daitekeela. Hala gertatuz gero, deitu egingo dizugu jasotzera etor zaitezen.
- Gainera gauzak, hala nola arropa edo betaurrekoak, hilabete bat igaro ondoren, bulegoan eduki ezin direnez, erakundeetara bidaltzen dira edo suntsitu egiten dira, egoeraren arabera. Mugikorrak birziklatzera bideratzen dira, datuen babeserako legeari jarraituz.
Balio urriko gauzak
Erakuslehioetan egoten dira hilabete batez (aterkiak 7 egunez). Denbora hori igarota, handik atera eta erakundeei ematen zaizkie. Objektu galkorrak ahalik eta denbora gutxien mantentzen dira.
Baliozko gauzak
Sarreran egoten dira hilabete batez. Denbora hori igarota, erakusketarako pasako dira. Bertan, 2 egunez egongo dira.
DOKUMENTAZIOA GALDU IZANA JAKINARAZTEA
Jakinarazi zure dokumentazio pertsonalaren galera (NAN, pasaportea edo beste nortasun agiri bat) berritzea tramitatu ahal izateko.
- Udaltzaingoan aurrez aurre.
- Jakinarazpena doakoa da.
- Galeraren jakinarazpenak ez du balio agiri gisa.