Hernaniko euskaltegi publikoa gara, Hernaniko Udalaren zerbitzua. 16urtetik gorako herritarrei euskara irakasteko ikastaroak eskaintzen ditugu. 1991n sortu ginen eta esperientzia handia dugu eskolak ematen, baita material didaktikoak sortu eta egokitzen ere. Euskaltegiko irakasleek hainbat material argitaratu dituzte aurrez aurre edo on line erabiltzeko, oro har, HABErekin lankidetzan. Gure eskolak herritar guztientzat dira, bai euskara ikasi eta hobetu nahi dutenentzat, bai azterketa ofizialak prestatzea helburu dutenentzat.

• Hizkuntza erabiliz ikasten dugu.
• Eskolan kalean egiten ditugun gauzen antzekoak egiten ditugu.
• Gramatikari eta hiztegiari erreparatzen diogu.
• Taldeak txikiak izaten dira.
• Ikasle bakoitzari banakako jarraipena egiten dio irakasleak eta uneoro ematen dio hobetzeko eta aurrera egiteko laguntza.
• Eskolak emango dizkizuten irakasleak profesional kualifikatuak dira.