Hernaniko Udalak giltzak gordetzeko zerbitzua jarri du martxan, adineko pertsonentzat. Zerbitzu honen helburua arrisku egoerak sortzen direnean larrialdi-zerbitzuak etxebizitzara sartzea erraztea da. Horretarako, giltzak Udaltzaingoaren zaintzapean egongo dira.

Zerbitzua bakarrik bizi diren 75 urtetik gorako pertsonei, edo denbora batez bakarrik geratuko diren 75 urtetik goraikoei, zuzenduta egongo da. Zerbitzua doakoa da eta 24 orduz egongo da martxan, urteko 365 egunetan.

Erabiltzaileak etxeko giltzen kopia utzi beharko du Udaltzaingoaren bulegoan (Agustindarren plaza, 6). Giltzak zenbaki kode batez identifikatuko dira eta Udaltzaingoak gordeko ditu.