Udaltzaingoa, urte guztian zehar, herritarren eskura dagoen zerbitzua da. Herrian sortzen diren askotariko egoeren aurrean, laguntzeko prest dagoena. Zeregin nagusitzat, babesa duena, herritarren eskubideak era askean eta gizalegez gauzatu ahal izateko.

• Herritarrak artatzea eta babestea.
• Toki Korporazioetako agintariak babestea eta bertako eraikinak nahiz instalazioak zaintzea.
• Hiriguneko trafikoa antolatzea, seinaleztatzea eta zuzentzea, zirkulazio arauetan ezarritakoaren arabera.
• Hiriguneko zirkulazio istripuei dagozkien atestatuak izapidetzea.
• Polizia administratiboa, ordenantzei, bandoei eta gainerako udal xedapenei dagokienez, euren eskumen arloaren barruan.
• Polizia judizialaren funtzioetan parte hartzea, 2/86 Lege Organikoko 29.2 artikuluan ezarritakoaren arabera.
• Istripuak, hondamenak edo halakoak daudenean laguntza eskaintzea, babes zibileko planen betearazpenean parte hartuz, Legeetan ezarritakoaren arabera.
• Prebentzioko eginbideak egitea, baita delituak ekiditeko behar diren jarduketa guztiak ere, Segurtasun Batzetan ezarritako lankidetzaren arloan.
• Leku publikoak zaintzea eta Estatuko Segurtasun Indarrekin nahiz Kidegoekin lankidetzan jardutea, eta Autonomia Erkidegoetako Poliziarekin ere lankidetzan jardutea, manifestazioen babesean eta ordenaren mantenamenduan, gizaki pilaketa handiak daudenean, horretarako eskabidea egiten bazaie.
• Gatazka pribatuen ebazpenean laguntzea, horretarako eskabidea egiten zaienean.