Udal Artxiboak Hernaniko Udalaren dokumentazio-ondarea kontserbatu eta zaintzen du. Artxiboaren eginkizuna agiriak jaso, antolatu, aztertu, kontserbatu, eskuragai jarri eta ezagutzera ematea da, bai Udalari berari eta bai herritarrei ere.

Dokumentazioa Erdi Aroaz geroztik (XIV-XV. mendez geroztik) gordetzen bada ere, XIX. mende amaieran eta XX.ean osatzen joan zen, gaur egun arteko jarraikortasuna emanez.

Onarpen-modua

Erakundean sortutako dokumentazioaren metaketa naturalaren bidez. Urtean gehitzen den dokumentazio kopurua aldakorra da, udal departamentu desberdinetatik egiten diren transferentzien erritmoaren arabera.

Antolaketa

1945. urte arteko agiriak Serapio Mujikaren sailkapen-koadroaren arabera antolatuta daude. Ondorengo agiriak, berriz, Euskal Herriko Udal Artxiboetarako egindako Udal Funtsen Sailkapen-taularen arabera (koadro hau Udalaren premietara egokituta dago).

Sartzeko baldintzak

Izaera publikokoa izanez, sarrera librea da.

Erreprodukziorako baldintzak

Agiriak erreproduzitzea librea da, indarrean dauden legeen aurreikusitako murrizpenekin.

Dokumentuen hizkuntza / idazkera

Espainiera eta Euskara (bi hizkuntzazkoa).

Deskribapen-tresnak

Dokumentazio historikoari dagokionez “Índice de documentos del Archivo Municipal de la Villa de Hernani” (Fausto Arocena; Donostia, 1976) argitalpena. Dokumentazio guztia (“historikoa” eta 1945. urtetik ondorengoa, 1427-…) artxibo osorako programa informatikoen bitartez kudeatzen da, etengabe eguneratzen ari den inbentario informatizatu baten bidez.

Loturiko dokumentazioa

• Dokumentazio osagarria beste Artxibo Zerbitzu batzuetan (Gipuzkoako Artxibo Nagusia, Tolosa; Gipuzkoako Protokoloen Artxibo Historikoa, Oñati; Donostiako Elizbarrutiko Artxibo Historikoa, Donostia…) aurki daiteke.
• Kaparetasunen fondoa Gipuzkoako Artxibo Nagusian (Tolosa, Gipuzkoa) dago gordailuan.
• Lasarte-Oriako egungo udalerriari dagokion dokumentazioa (1986 arte).
• Udalaren argazki-fondoa. Funtsa irekia da, eta argazki asko digitalizatuta daude.
• Udalaren dokumentazio historikoaren erreferentziak (…-1945) kontsultatzeko: