Hernani Udalerri Euskaldunen Mankomunitateko (UEMA) kide da, udalerri euskalduna. Hernaniar gehienok euskaraz hitz egin edo ulertzeko gauza gara. Euskara Zerbitzuak eskuz esku lan egiten du UEMArekin herrian euskara susatzeko.

Euskara Zerbitzuaren helburua da herritarren artean euskararen ezagutza eta erabilera sustatzea hala udalean bertan, nola herrian. Horretarako, besteak beste:

• Udalak euskaraz lan egingo duela eta herritarrei zerbitzua euskaraz eskainiko zaiela bermatzeko plana dauka.
• Herrian euskararen erabilera areagotzeko plana dauka, herriko eragileekin batera kudeatzen duena Euskararen Kontseiluaren bidez.
• Euskararen ezagutza eta erabilera areagotzeko dirulaguntzak eta bestelako laguntzak eskaintzen ditu.
• Eskualdeko planak bultzatzeko Buruntzaldea mailako lantaldean parte hartzen du, Buruntzaldean Euskaraz hitzarmenaren bidez.
• Euskararen egoera ezagutzeko eta aurrera begiako estrategiak lantzeko ikerketak egiten ditu.