Ongi etorri Hernaniko Udalera!
Idatzi honen bitartez, Hernaniko Udaleko ateak parez pare ireki nahi nizkizueke herritar guztiei, gertutasunetik ulertzen dugulako gure lana: zuzeneko harremana eta herritarren ondoan egoteko egina.
Hernaniko Udala ez da horma eta bulego multzo bat bakarrik; herritarrak zarete benetako ardatza, eta bertan egiten dugun lan guztiak, herritarren egunerokoan eragiten duenean, du zentzua.
Zuen iritziak, kezkak eta ideiak entzutea ezinbestekoa denez guretzat, bertan gaude zuek nahi eta behar duzuenerako. Udala denona delako eta herria herritar gution artean egiten dela badakigulako.
Xabier Lertxundi Asteasuinzarra
