AMHER-SOS Arrazakeria 2004an sortutako irabazi asmorik gabeko elkarte antiarrazista eta feminista da. Pertsona migratuen integrazioaren alde eta xenofobiaren eta arrazakeriaren aurkako borrokaren alde lan egiten du, bizikidetzaren alde eta kultura, hizkuntza, etnia eta jatorri aniztasuna errespetatzearen alde.

2007an Hernaniko Udala eta elkarte honen artean hainbat lankidetza hitzarmena sinatu zen. Orduz geroztik, urtero luzatu da hitzarmena. Hitzarmen honen bidez elkarte honen jardueretatik bereziki hauek babesten ditu udalak:

• Atzerritartasun gaietan aholkularitza: banakakoa edo taldekoa.
• Harrera komunitarioa: boluntario sarea, herriko eragileekin elkarlana, herritarren elkartasun sarea, zubigintza.
• Emakume etorkinen ahalduntzea eta parte hartzea sustatzea.
• Sentsibilizazioa. Batez ere migratzeko eskubidearen alde, arrazakeriaren aurka eta harrera komunitarioa indartzeari begirakoa.