Hernanira bizitzera datozenei egiten zaien harrerak herrian egingo duten ibilbidean eragina izango duela uste da. Hori dela eta harrera ahalik eta egokiena egiteko bitartekoak jartzeko ahalegina egiten du Hernaniko Udalak.

Hernaniko Udalak 2020an etorri berriei egiten zitzaien harrera aztertzeko ikerketa bat egin zuen. Diagnostiko horretan oinarrituta Harrera plan bat egin zuen 2021ean. Helburua Hernanira iristen den bizilagun berri orori harrera egokia egitea da, herrian ditugun baliabideei buruzko informazio eta orientazio egokia ematen dela bermatzea. Ondoren martxan jarri diren hainbat baliabide jasotzen dira bertan.

Herriko baliabideak zerrendatzen dituen baliabide gidan edukiak hainbat ataletan banatuta daude iritsi berriek nahiz zerbitzu desberdinen inguruan informazioa behar duen beste edonork erraz aurki dezaten behar dutena. Sei hizkuntzatan argitaratu du Udalak: euskaraz, gaztelaniaz, ingelesez, frantsesez, arabieraz eta errumanieraz. Gida hau Harrera Bulegoaren abiapunturako euskarria izateaz gain, herriko hainbat lekutan paperean eskuragarri dago.

Gidak oinarrizko azalpenak ematen ditu, eta harremanetan jartzeko ezinbestekoak diren zerbitzuen kontaktu-datuak zerrendatzen dira besteak beste.

Etorri berriei arreta osatuagoa eta pausatuagoa emateko helburuarekin sortu zen. Herrian lehen urratsak erraztu, herrian bizitza aktiboa egitera animatu, herritar berri bakoitzak dituen beharren araberako informazioa eman eta herriari buruzko galdera eta zalantzak argitu ahal izatea du asmoa.

Bulegoa Hernaniko Harrera Zerbitzuaren baitan dago kokatua eta Hernanira bizitzera etorritako pertsona guztiei zuzendua dago. Ondorioz, ez da beharrezkoa herrian erroldatuta egotea zerbitzua jaso ahal izateko. Artatua izateko hitzordua hartu behar da Hernaniko Herritarren Harrera Zerbitzuan.

Hitzorduetan zehar bi norabidetan informatzen da. Batetik, Udalak etorri berriari herrira harrera egin eta garrantzitsuak den oinarrizko informazioa helarazten dio, herritarrak dituen interes eta beharrak kontuan izanda. Bestetik, etorri berri den herritarrarengandik, etortzen diren pertsona berriak hobeto ezagutu eta Udalaren harrera hobetzeko informazio kuantitatiboa zein kualitatiboa jaso eta sistematizatzen da.

Etorri berriei arreta osatuagoa eta pausatuagoa emateko helburuarekin sortu zen. Herrian lehen urratsak erraztu, herrian bizitza aktiboa egitera animatu, herritar berri bakoitzak dituen beharren araberako informazioa eman eta herriari buruzko galdera eta zalantzak argitu ahal izatea du asmoa.

Hernanira bizitzera etorri diren herritarrak urtean behin egiten den ongi etorri saiora gonbidatzen ditu Udalak. Bertan alkateak eta udal gobernuko kideek urte horretan Hernanira bizitzera etorri direnei harrera egiten diete, herriaren inguruko informazioa emanez eta herriko bizitzan parte hartzeko gonbidapena eginez. Horretaz gain, udalak dituen harrera baliabideen berri ere ematen da.

Ekitaldi xumea da, baina sinbolikoki indar handia duena eta herriko jatorri eta kultur aniztasuna balioan jartzen duena.